CITUORUM

CITUORUM

insula in Danubio perampla. Ptol. in Hungaria inter Posonium ad Boream, et Arrabonem ad Austrum. Gemina est: Maior et praecipua, quae versus Boream et Ortum, l'isle de Schutt, Circuitus est 20. leuc. circiter, longa 9. leuc. lata 4. Ibi arx Komara permunita, cum valido praesidio contra Turcas, et Sumaria; oppid. Minor autem insul. le petit Schut, est versus Austrum, e regione Altemburgi et Arrabonis urbium, ubi Danubius recipit Arrabonem: Oblonga, lata autem vix 2. leuc. Aliter Schutia Insul. Baudrand.